العاشقة الولهانة عضو مميز
عدد الرسائل : 186 العمر : 29 الجنسية : مصرية المهنه : طالبة الهواية : شعر تاريخ التسجيل : 15/07/2009
| موضوع: قصيدة مضحكة جدا عشان انت مصرى الثلاثاء نوفمبر 10, 2009 1:07 pm | |
| عشان انت مصرى لازم تعانى وتفقد كرامتك بكل المعانى وتحرق فى دمك سنين مش ثوانى واوعى تصدق كلام الاغانى بتاع الحضاره وكانى ومانى ده كله هجايص مايدخل ودانى عشان انت مصرى العذاب بيناديك بتبدا فى يومك حاجات بترازيك فى نومك فى قومك تعكنن عليك تضايقك ولسه العماص فى عينيك مافيش ميه تشطف صابونه فى ايديك وجسمك ملزق وريحتك عاديك فتلبس وتنزل وفيك اللى فيك ورايح لشغلك حتحتاج مواصله ادى المترو واقف وكهربته فاصله وفى الميكروباص خناقه وحاصله اوتوبيس فرامله عايزالها وصله وتوك توك ده تايه ومحتاج لبوصله بتوصل لشغلك بدم اتحرق فى زحمه وكتمه وحر وعرق رئيسك سايبلك كومه ورق ده غير دمغه ضايعه وملف اتسرق وفى كام مواطن عاملك قلق بيشكى تقول له روح اندعق وعركه وهوجه وشاى اندلق ومخك خلاص من الصداع اتفلق هترجع لبيتك ده لو كان فى بيت هتوصل هتندم ياريتك ماجيت مراتك بتصرخ خلاص استويت عيالك بتطلب وهات كيت وكيت تزعق تهاتى ياناس اتهريت ولاحد سامعك مهما هاتيت عشان انت مصرى وده للاسف فلازم تاسى تعيش تتقرف وكل الاساسى فى حياتك ترف فتنسى الكرامه وتنسى الشرف وتسرق وتنصب او تنحرف ودمعك بيجرى وجرحك نزف مش انت اللى مصرى؟؟؟ جتك القرف | |
|
الهرم مشرف
عدد الرسائل : 253 العمر : 41 الجنسية : بنهاوى المهنه : محامى الهواية : الرغى تاريخ التسجيل : 02/02/2009
| موضوع: رد: قصيدة مضحكة جدا عشان انت مصرى الثلاثاء نوفمبر 24, 2009 5:55 pm | |
| هههههههههههههههههههههههههههههههههه يا بنتى هو انتى واقعه فى غرام احمد فؤاد نجم عموما اهو شاعر غلس وشعره لايق على القسم شكرا على مجهودك وتقبلى مرورى | |
|
العاشقة الولهانة عضو مميز
عدد الرسائل : 186 العمر : 29 الجنسية : مصرية المهنه : طالبة الهواية : شعر تاريخ التسجيل : 15/07/2009
| موضوع: رد: قصيدة مضحكة جدا عشان انت مصرى الإثنين نوفمبر 30, 2009 5:34 pm | |
| تقبلت مرورك اعذرينى انا بعشق احمد فؤاد نجم ولكى منى خالص التحيات تحياتى : رومانسية بس منسية | |
|
alostoura مشرف
عدد الرسائل : 186 العمر : 29 الجنسية : مصرية المهنه : طالبة المهنة : الهواية : كتابة الزجل تاريخ التسجيل : 21/12/2009
| موضوع: رد: قصيدة مضحكة جدا عشان انت مصرى الإثنين ديسمبر 21, 2009 9:50 am | |
| هههههههههههههههههههههههههه الله يانور يامصرية تقبلى مرورى | |
|
nadafone عضو جديد
عدد الرسائل : 7 العمر : 43 الجنسية : مصرى المهنه : صحفى المهنة : الهواية : نظم الشعر تاريخ التسجيل : 08/03/2010
| موضوع: رد: قصيدة مضحكة جدا عشان انت مصرى الإثنين مارس 08, 2010 12:49 pm | |
| لا مش عشان مصرى عشان مبارك بيحكم فمصر عشان شعبها يموت فالاسر عشان الضياع اللى عيشنا فية عشان الفساد اللى مالو حصر | |
|
nadafone عضو جديد
عدد الرسائل : 7 العمر : 43 الجنسية : مصرى المهنه : صحفى المهنة : الهواية : نظم الشعر تاريخ التسجيل : 08/03/2010
| موضوع: رد: قصيدة مضحكة جدا عشان انت مصرى الإثنين مارس 08, 2010 1:13 pm | |
| واللة العظيم برافوا انا بقلى ساعة باضحك وشر البلية مايضحك | |
|