منتديات تى ميــــرو
أهـــــــــــلا ومــــــــــــــرحبا بـــك فى منتديات تى ميرو
هـــــــــــذه الرســــالـــه تفيد انـــك غيـــــــــر مسجل لـــــــدينا




 
الرئيسيةمكتبة الصوربحـثالتسجيلدخول

                       منتديات " تى ميرو " ترحب بكم          وتتمنى لكم الاستمتاع     والاستفادة                                اعوذ بالله من الشيطان الرجيم {اَللَهُ لا إِلَهَ إلا هو اَلحي ُ القَيَوم لا تأخذه سِنَةٌ ولا نوْمٌ لَّهُ مَا فيِِ السَمَاوَاتِ وَمَا في اَلأَرْضِ مَن ذَا الَّذِي يَشفَعُ عِنْدَهُ إِلاَّ بِإِذْنِهِ يَعْلَمُ مَا بَينَ أَيدِيهِمْ ِوَمَا خَلْفَهم وَلا َيُحِيطُونَ بشَيءٍ مِنْ علمِهِ إِلاَ بِمَا شَآء وَسعَ كُرْسِيُّهُ السَمَاوَاتِ وَالأَرضِ وَلاَ يَؤُدُه حِفْظُهُمَا وَهُوَ العَليُّ العَظِيمُ} صدق الله العظيم


شاطر | 
 

 مش باقي مني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
romicaa
عضو جديد
عضو جديد
avatar

انثى الدلو
عدد الرسائل : 8
العمر : 32
الجنسية : مصري
المهنه : ......................
المهنة : غير معروف
الهواية : القراءة
تاريخ التسجيل : 25/02/2010

مُساهمةموضوع: مش باقي مني   السبت أبريل 24, 2010 6:37 am


قصيدة مش باقي مني للشاعر جمال بخيت "مأخوذ منها أغنية فيلم دكان شحاتة

مش باقي مني غير شوية ضي ف عينيا

أنا هاديهوملك

وأمشي بصبري في الملكوت

يمكن ف نورهم تلمحي خطوة

تفرق معاكي

بين الحياة والموت

مش باقي مني غير شوية نبض ف عروقي

خدي.. وعيشي..

وافتحي لي تابوت

أفرح بريحة ورد فرعوني
وربنا ف عوني

إذا دخلت الجنة ولا النار

هاشتاق إلي ضحكتك

وقعدتي في الدار

والقهوة متحوجة

من طيبة العطار..

ف كل يوم الصبح

باشرب حليب قبطي

وف النهار والمسا

بامسك ستار الكعبة لو سبتي

واثبت إذا هربتي

أهديكي عمري وحسي وجوارحي

أهديكي جرحي

هو اللي باقي في دنيتي لما خلص فرحي

مش باقي مني

غير شوية لحم ف كتافي

بلاش يتحرقوا ف قطر الصعيد

ف العيد

بلاش لكلب الصيد

تناوليهم

خدي اللي باقي من

الامل فيهم

وابني لي من عضمهم

في كل حارة مقام

وزوريني مرة وحيدة

لو كل ألفين عام

ألم الجراح يتلم

مش باقي مني غير شوية دم

متلوثين بالهم

مرين وفيهم سم

كانوا زمان شربات

والنكتة سكرهم

شربتهم الخفافيش

في قلب أوكارهم

مش باقي مني غير شوية دم..ما أقدرشي

أسقيكي مواجعهم

وبرضه ما أقدرشي

أرميكي

وأبعيهم

يمكن في مرة تعوزي تطلبيني شهيد

هاحتاج يوميها الدم

يمضي علي شهادتي

مش باقي مني

غير شوية قوة في إرادتي

علي شوية شعر من خطي

حاسبي عليهم وأنتي بتخطي

وانتي ف صبح الدلال

بتعطري شطي..

مش باقي مني

غير شوية ضي ف عينيا

أنا مش عايزهم

لو كنت يوم هالمحك

وانتي بتوطي

في معركة ما فيهاش

ولا طيارات ولا جيش

وانتي في طابور العيش

بتبوسي إيد الزمن

ينولك لقمة

من حقك المشروع

مش باقي مني .. غير

شهقة في نفس مقطوع..

ما بين رئة ..وضلوع..

وأنا تحت حجر "المقطم"

ف الدويقة باموت

أنا .. والعطش..والجوع..

يئن تحتي التراب

وانا صوتي مش مسموع..

يا حلمنا الموجوع..

من المرور ممنوع..

مستني لما يمر


موكب سلاطينك...

مش باقي مني

غير شوية رحمة من طينك..

علي شوية صبر من دينك..

مش باقي مني غير حبة غنا تايهين

ف الضلمة مش لاقيين

حس الفواعلية..

ولا صوت مراكبي عفي

فوق المعدية..

ولا صوت بناتي العذاري

في كل صبحية ..

والغنوة ..أمنية

"ياما نفسي أقابل حبيبي ..

وانا ع الزراعية"...

صوتك وصوتهم غاب..

وانا تحت حجر المقطم ..باموت لوحديا..

الليلة راحت عيوني

تطل ع البستان..

وجناين الرمان..

رجعت لي توصف عناد الغل والدخان

وسحابة سودا تضلل

علي الغنا الغلبان ..

رجعت لي توصف هبوب الموت

علي الالوان ..

رجعت لي توصف ..

.. خيال الذل...

ف موائد الرحمن...

مش باقي مني غير شوية كفر بشروقك

وأنا ..

منبع الايمان..

مش باقي مني ..

غير شوية ضي ..

وعينيا

مش قادرة تلمحني ..

في وحدتي محني ..

خايف أموت م الخوف

والضعف يفضحني..

.... السجن عشش ف قلبي

وماشي ف شوارعك ..

نفس اللي باعني وخدعني

بالرخيص بايعك..

هاشيل حمولي انا

ولا هاشيل حملك ؟!

ما عدت أملك شيء..

فيكي ..ولا فيا

ولا قيراط ولا بيت..

ولا نسمة صافية تلاغي النيل

بحرية ..

مش باقي مني

غير شوية حب جارحني

ولا باقي مني

غير شوية ضي ف عينيا

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
drmostafab
مشرف عام
مشرف عام
avatar

ذكر الجوزاء
عدد الرسائل : 444
العمر : 35
الجنسية : Eegyptian
المهنه : pharmacist
المهنة : صيدلي
الهواية : كتابه الزجل
تاريخ التسجيل : 24/01/2009

مُساهمةموضوع: رد: مش باقي مني   الخميس أبريل 29, 2010 12:01 pm

شكرا على القصيده الجميله دى القصيده دى لول ما سمعتها بكيت وكل ما باسمعها باتاثر جمال بخيت ابدع فى المعانى وصور حالنا بمنتهى الدراما الواقعيه فعلا باحس ان الحروف بتنطق وانا باقراها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.tmeroalafdal.net
 
مش باقي مني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات تى ميــــرو :: المنتدى الإعلامي :: قسم الشعر العام والخواطر-
انتقل الى: