drmostafab مشرف عام
عدد الرسائل : 444 العمر : 41 الجنسية : Eegyptian المهنه : pharmacist المهنة : الهواية : كتابه الزجل تاريخ التسجيل : 24/01/2009
| موضوع: الله يجازيك يا عم عبد الناصر للابنودى الإثنين نوفمبر 23, 2009 3:34 pm | |
| الله يجازيك يا عم عبدالناصر الليل مليّل والألم عاصر لسه اللي بيبيع أمته كسبان وكل يوم أطلع أنا الخاسر أما انت خميت مصر دي خمة يوم ما ناديت بالعشق للأمة ورطتنا نعشق خريطة عبيطة وبشر ما نعرفهاش وبلاد.. ما بنـزورهاش إلا.. فواعلية وبنايين وسواقين وخدامين.. وطباخين.. وكناسين بلاد أسافرها سعيد ارجع حزين حبيتها زي ما قلت لي.. واكتر ع الأجنبي ما استكترتش عليا تستكتر ع الأجنبي ما اتنقورتْش عليا تتنقور. تطمع في دمعي وف تعاسة راتبـي. مُلهم أنا.. واعمل غبـي وادي الألم يا عم عبدالناصر زاحف وبيحاصر وآدي الجميع خاسر وآدي فجر أمتنا الجموآدى انتحار الأمة بالمقلوب وأنا... غريب الدار.. لابسنى توب العار ساكن فى وطنى بالإيجار قاعد أنا ع الجسر فى القيَّالة من قلب اللهيب مِنشالة وقلبى.. ساقية حزن سَيالة باغنى.. ما أعرف مغنى وألاّ عديد زى افتكار الميتين.. فى العيد. باعانى وحدانى شياطينى لابسانى والأمة قدامى.. مفارقانى يا رب... ما تحببنى فى الناس الملاح تانى يا رب ما ترجعنى أعشق ضحكة إخوانى يا رب كرهنى فى أوطانى ***
***
عدل سابقا من قبل drmostafab في الإثنين نوفمبر 23, 2009 4:01 pm عدل 1 مرات | |
|
drmostafab مشرف عام
عدد الرسائل : 444 العمر : 41 الجنسية : Eegyptian المهنه : pharmacist المهنة : الهواية : كتابه الزجل تاريخ التسجيل : 24/01/2009
| موضوع: رد: الله يجازيك يا عم عبد الناصر للابنودى الإثنين نوفمبر 23, 2009 3:40 pm | |
| اللينك على اليوتيوبما أخيبك أمَّة ما أتعسك أمة لا عقل... ولا همة... لا مصدقه فعلك ولا تحفظى كلمة. أمة.. تدور وتلف.. تقيلة.. مش حتخف حماسية... وحماسها بكتيرُه ساعة.. يجف. أمة بتتخابِط أمة بتتعابط أمة ومالهاش لا زابط ولا رابط ولا كبير عيلة ولا قرابةْ دم وفكرة وهمية ما تورث إلاّ الهمّ... ما تحل عنى يا عم.. إحنا ورثنا كلام إحنا تاريخنا كلام علشان كده لما تقول.. على طول أقول: وبكام؟؟ ما هو حب؟؟ دبرنى وتاريخ؟.. فكرنى وطريق؟.. نورنى ومصير؟.. بصرنى ده انا بقيت عربى من قبل ما ألقى اللى يمصرني. أنا انتمائى لأمتى... ممسخرنى. محسوبة فى الأحزان على فى الفرح تنكرنى ياللى إنتى لا أمة ولا أنتى أم.. فيه أم ما تعرفش ساعة الألم.. تضم؟.. ****
قد ما ننورها هيه مضلمة قد ما نعلمها.. مش متعلمة. كل ليلة بايتة مظلومة وهيه الظالمة!! آخرة السكك الوعار مجد.. متلطخ.. بعار. قد ما نحجمها... تفلت م الإطار!! السلاح من صنع بره والكلام من صنع بره المآكل الملابس والهوا البارد فى بيتى.. صنع بره. لا نسجْت الهدمة.. لا زرعْت.. ولا اكتفيت شفتها.. جريت اشتريت. جلاّبيتى.. عمامتى.. سجادتى وحواديت الصغار والحلاوة: حلوة.. مرة شغل بره. إيه يهم إن مت من أجل البشر ولا سبت الديب يصرَّخ واتغابيت؟... أو نسيتها؟ أو اتناسيت؟؟.. الشهادة مجانية... والبطولات... نفحات استعراضية والليل مليّل والألم... عاصر لسه اللى بيبيع أمته كسبان.. وكل يوم.. أطلع أنا الخاسر... الله يجازيك يا عم عبد الناصر | |
|
الهرم مشرف
عدد الرسائل : 253 العمر : 41 الجنسية : بنهاوى المهنه : محامى الهواية : الرغى تاريخ التسجيل : 02/02/2009
| موضوع: رد: الله يجازيك يا عم عبد الناصر للابنودى الثلاثاء نوفمبر 24, 2009 4:52 pm | |
| هااااااااااااااااااااااى الله الله بعد كلام عبد الرحمن الابنودى مفيش كلام يتقال حقيقى جميل تسلم ايدك تقبل مرورى | |
|
drmostafab مشرف عام
عدد الرسائل : 444 العمر : 41 الجنسية : Eegyptian المهنه : pharmacist المهنة : الهواية : كتابه الزجل تاريخ التسجيل : 24/01/2009
| موضوع: رد: الله يجازيك يا عم عبد الناصر للابنودى الخميس ديسمبر 03, 2009 5:36 pm | |
| شكرا على الرد وارجو تشوفيه فيديو انا نزلتها فيديو | |
|