drmostafab مشرف عام
عدد الرسائل : 444 العمر : 41 الجنسية : Eegyptian المهنه : pharmacist المهنة : الهواية : كتابه الزجل تاريخ التسجيل : 24/01/2009
| موضوع: رباعيات الثلاثاء يناير 05, 2010 7:32 pm | |
| انا باعشق كلام الاستاذ صلاح جاهين وباتنفس كل كلمه بيقولها وقريت فى رباعياته فعجبتنى وعجبتنى خفتها وعمق معانيها فقررت انى اعمل رباعيات لنفسى متواضعه كده على قدى كل ما تحصلى حاجه اكتب تعليق عليها ارجو تعجبكم
كل واحد بياخد نصيبه من العذاب والهنا ولو مش مصدق شوف مر من العمر فى العذاب كام سنه كام واحده منهم مره وكام واحده منهم ضنا شربنا كاس العذاب من فرقه الاحباب عشنا فى بلدنا اغراب سافرنا وهاجرنا والجرح عمره ما طاب
عاوز اكون انسان باحلم ببر امان صابر على الحرمان لكن حبيبتى بتعشق انى اعيش فى هوان
يا سلام لو كلى كلام كنت اسهر ليلى ما انام
كنت انسى كل الامى مهما تاسى الايام
كنت ابقى زعيم ومناضل واقول للظلم حرام
ضاع من العمر فى الغربه كام سنه
بصيت لنفسى ما عرفتش مين انا
انا الى كنت عزيز بفقرى بدون غنى
والى الى صرت ذليل بالمال مين انا
انا مين وليه وازاى بقيت هنا
مصرى وعربى ومسلم ولا غريب انا
غريب فى بلدى وانكويت بالظلم 100 سنه
هاجرت جيت للعرب ما دقت يوم هنا
قلبى عليل بالم ونار وجراح
غريب بكيت واشتكيت فى كل ليله وصباح
بصيت ناديت للرفيق وقلت فين ارتاح
قالى يريت البكا كان جابلى عمرى الى راح
اسلامنا مات واندفن وفيه ناس كتير واقفين
عديت سالت فيه ايه قالوا جنيه او ريال عشان نجيبله الكفن
ندمان وقلبى اسير والحزن بحره كبير
زعلان على الماضى والهم جاى كتير
سرحت فى الفيس بوك وكتبت على الياهوووووو
فكرت انى بعدت وسرحت فى الملكوت
بصيت لقيت قدامى ابو جهل ويا اخووووووو
قلتله ايش تبغى قام قالى ايه ويش هووووووو
عدل سابقا من قبل drmostafab في الإثنين يناير 11, 2010 9:28 am عدل 1 مرات | |
|
meronada85 General Manager
عدد الرسائل : 487 العمر : 38 الجنسية : Eegyptian المهنه : Programmer المهنة : الهواية : Football تاريخ التسجيل : 23/01/2009
| موضوع: رد: رباعيات الأربعاء يناير 06, 2010 1:56 am | |
| وقلبى اسير والحزن بحره كبير
كلام جميل بس كله حزن ليه كفايه انا فى المنتدى هههههههههههه تقبل مررى | |
|